Síðastliðin helgi var stutt, þ.e. einungis frí á sunnudeginum. Hún var þó sýnu styttri hjá Önnu sem stendur í stórræðum í vinnunni og vann allan sunnudaginn. Ég skrapp aðeins í vinnuna um morguninn, kláraði viðvik, hringdi í systur mína og fór síðan heim og lagði mig. Ég er nú búinn að vera hérna í rúma fjóra mánuði. Tíminn líður hratt. Ég var að fara í gegnum myndir og rakst á þessa sem ég tók um daginn af bananaknippi sem ég keypti við veginn og hengdi út. Þetta eru svona "mini" bananar sem gott er að taka með sér í nesti á morgnana.
Grænir "mini" bananar sem þroskast á nokkrum dögum í hitanum
Ég eldaði marókóskan pottrétt að hætti Nönnu Rögnvalds á sunnudagskvöldið. Þurfti aðeins að breyta honum því ég á ekki allt samkvæmt uppskriftinni. Engin hætta var þó á ferðum og enginn dó. Við erum að rækta kryddjurtir í garðinum og ég gat sótt myntu og rósmarín út í garð. Það skemmir ekki. Við kaupum grænmeti og ávexti í áskrift og fáum afhent vikulega.
Vikurskammtur af grænmeti og ávöxtum. Þetta gula til neðst til vinstri eru ástaraldin sem verða krumpuð með tímanum.
Þetta eru glæsilegir bananar. Feitir og myndalegir. Þeir eru svolítið öðruvísi en maður fær í Kronunni :)
SvaraEyða